Xushovoz xonanda Shohsanam ijodida hayotiga oid tarona dunyoga keldi. Qo'shiq "Shukurona" deb nomlangan bo'lib, turmush o'rtog'iga atalgandir. Ayni kunlarda mazkur qo'shiq radioto'lqinlarda yangramoqda. Qo'shiq mualliflari bilan tanishing: Ra'no Yarasheva so'zi, Akrom Ibodullaev musiqasi. Tez kunlarda qo'shiqni www.shohsanam.uz saytidan ham ko'chirib olishingiz mumkin bo'ladi.

Maftunkor xonandamiz Ziyodaning "Sevib qoldim" taronasi haqida avval xabar bergan edik. Ushbu qo'shiq uchun klip ham tasvirga tushirilishi haqida ma'lumot berilgan edi. Endi esa klip suratga olish sanasi ma'lum bo'ldi. "Sevib qoldim" taronasi klipi 14 avgust kuni suratga olinadi va qisqa fursat ichida montaj ishlari amalga oshirilib, keng ommaga havola qilinadi.

Sirojiddinning "So'ra ko'zgudan" nomli taronasiga klip suratga olish ishlari boshlab yuborildi. Hozirda klip uchun "Akfa-media" pavilionida maxsus dekoratsiya qurilmoqda. Klip rejissori barchaga tanish bo'lgan "Firibgar" filmi rejissori Aziz Umrzoqovdir. Suratga olish ishlari 16 avgust kuni bo'lib o'tadi.

Ruhshona mahzun ohangda qo'shiq hozirlamoqda. Qalblarga yaqin bo'lgan ushbu tarona matn va musiqa mualliflari negadir hozircha sir saqlanmoqda. Ammo, qo'shiq uchun klip suratga olinishi oshkor bo'ldi.

"Akfa-media" kompaniyasi xonandasi Jamshidning "Baxtliman" taronasiga ishlangan klip tayyor. Yoshlarbop, quvnoq va raqsga chorlovchi mazkur qo'shiqqa ishlangan klip ham o'ziga mos tarzda suratga olingan. Tez kunlarda mazkur klipni ham TV kanallari orqali tomosha qilish imkoniyatiga ega bo'lasiz.

Estradamizning maftunkor yulduzi Ziyoda o'zining uchinchi albomi ishlarini nihoyalab, yana yangi qo'shiqlar ustida ish olib bormoqda. Javlon Shodmonov suratga olayotgan "Kichkina xo'jayin" filmi uchun Ziyoda duet tarona kuylamoqda. Ammo, xonanda duetdosh kim ekanligini hozircha sir saqlashga qaror qilgan. Ishonamizki, tez orada ushbu duetdoshni ham kim ekanligidan xabardor bo'lamiz. Nima bo'lgan taqdirda ham duet tarona yuqori darajada chiqishiga ishonamiz.

O'z ijodiga jiddiy yondoshib yangi qo'shiqlar hozirlayotgan Ruhshona Mustaqillik ayyomiga bag'ishlab, "Bilak uzugim" nomli yangi tarona ustida ish olib bormoqda. Xonanda qo'shiqning milliy ohangi va ajoyib so'zlari tinglovchiga manzur bo'lishiga umid qilmoqda. Mazkur qo'shiq matni Ibrohim Jiyanov qalamiga mansub bo'lsa, musiqasi Adham tomonidan bastalangan.

Asosan milliy yo'nalishda ijod qilib kelayotgan "Akfa-media" xonandasi Sirojiddin ham "So'ra ko'zgudan" nomli yangi qo'shiq yozdi. Qo'shiq musiqasi Musaxon Nurmatov ijodidan, so'zini esa Axad Qayumov yozgan. Ayni kunda ushbu qo'shiq uchun klip suratga olish ishlari boshlanmoqda.

Avval xabar berganimizdek "Bojalar" guruhi hamda Jamshid ijrosidagi duet taronaga klip suratga olindi. Klip tayyor, tez orada TV kanallari orqali namoyish etila boshlanadi. Eslatib o'tamiz, mazkur duet tarona "Firibgar" filmi uchun saundtrek tarzida kuylangan. Shuningdek, Jamshid Timur so'zi, Furqat Bobojonov musiqasi bilan kuylagan "Baxtliman" taronasiga ham klip suratga tushirtirmoqda.

Yandex hamda SB.uz hamkorlikda SB.uz manzilidan Этот e-mail адрес защищен от спам-ботов, для его просмотра у Вас должен быть включен Javascript manzilini sizlarga taqdim etadi.

Estradamiz yorqin yulduzi, maftunkor Ziyoda ijodga yanada jiddiy kirishib bormoqda. Yangi qo'shiqlar va ularga ishlanayotgan kliplardan tashqari Ziyoda o'zining hisob bo'yicha uchinchi albomini ham taqdim etish arafasida. Albom "Baxt to'la" deb nom oladi. Tez kunlarda muxlislar albomni shahrimiz musiqiy do'konlaridan harid qilishlari mumkin bo'ladi.

Yosh istedodli honanda Jo'rabekdan yangi klip! "Ruxsora"