Fotogalereya

Yulduz haqida ma'lumot

Abduvali Rajabov haqida

Abduvali Rajabov


1. Ismi sharifi: Abduvali Rajabov Orifjonovich.
2. Tug’ilgan kuni: 1982 yil 22 iyun.
3. Tug’ilgan joyi: Sirdaryo shaxri.

 
Batafsil...

Eng mashhur Yangiliklar!

Fotogalereya

Yulduz haqida ma'lumot

Doston Ubaydullayev haqida

1) Doston Ubaydullaev 1982 yil 30-mart kuni tavallud topgan.
2) 1999 yili Madaniyat institutini bakalavr bosqichini yakunlagan va magistraturaga o'qishga kira olmagan.

 
Batafsil...

So'rovnoma

Erkak yulduzlar reytingi
 

Yulduz haqida ma'lumot

Shoxrux haqida

1.   Ismi sharifi: Shodmonov Shoxrux O`ktamovich; 
2.   Tug`ilgan kuni: 1986 yil, 31 yanvar; 
3.   Tug`ilgan joyi: Toshkent shahri; 
4.   Burji: Dalv; 
5.   Kasbi: hozircha xonanda va talaba;
Batafsil...

Fotogalereya

Yulduz haqida ma'lumot

Rayhon haqida

1. Ismi-sharifi: Rayhon G`aniyeva;
2. Tug`ilgan yili: 16.09.1978 yil;
3. Oilasi: Onasi, singlisi va o`zi;
4. Onasi: Tamara Shokirova (aktrisa);
5. Otasi: Otabek G`aniyev (aktyor bo`lgan);
6. Singlisi: Nasiba, dizayner bo`lmoqchi;
Batafsil...

Fotogalereya

Biz bilan aloqa

Savollar va takliflar bo'lsa
yuboring.

Отабек Муталхўжаев: «Мен ҳеч кимга алвидо демайман!»
(16 Голосов)

Отабек Муталхўжаев: «Мен ҳеч кимга алвидо демайман!»

 Отабек Муталхўжаев ҳақида:
* Тўлиқ исм-шарифи: Муталхўжаев Отабек Оловиддинович.
* 1984 йил 18 июлда Тошкент шаҳрида туғилган.
* Тошкент Давлат техника университетининг «нефть ва газ» факультетини тамомлаган.
* Севимли футбол клублари: «Пахтакор»; «Бунёдкор»; «Реал-мадрид»; «Барселона». «Бунёдкор» футбол клубининг мадҳиясини ижро этишга таклиф қилинган. Ўзи ҳам ашаддий футбол ишқибози. 

* «Ниҳол» мукофоти совриндори.
* Ҳинд кинофилмларининг ашаддий мухлиси.
* Севимли ҳинд актёри: Шоҳрух Хон.
* Охирги марта «Лола» бадиий фильмида йиғлаган.
* Кинога кириб келишига «Алоуддиннинг янги саргузаштлари» фильми сабабчи бўлган.
* Концертни ўтказиб бўлгач, бутун Ўзбекистон бўйлаб гастрол сафарларини уюштиради ва шундан сўнг Туркияга йўл олади.
* 25 май куни бўлиб ўтадиган концертида ҳар бир мухлисига буклет тақдим этишни режалаштирган. Иккинчи альбоми ҳам айнан битирувчилар кунида сотувга чиқарилади. Ашаддий мухлисларига дастхати туширилган плакатларни совға қилади.

- Отабек Муталхўжаев уйланибди, деб эшитдик…
- Ҳа, нимасини айтасиз, «Тўйингга бизни айтмабсан-а» деганлар қанча бўлди. Қариндош-уруғлару, таниш-билишлар, мухлисларимни айтмасангиз ҳам бўлаверади. Икки ҳафтадан бери тинимсиз қўнғироқлар бўляпти. Ҳаммани бир савол қизиқтиради: «Уйланибсиз деб эшитдик, шу ростми?». Ростини айтсам, уйланганлигимни ўзим ҳам матбуотда шу хабар ёритилганидан кейин билиб олдим. (Кулади) Бу борада ҳали расман жавоб қайтаришга улгурмадик. Мана «7х7» газетаси менга бугун шундай имкониятни бергани учун мухлисларимга айтадиганим: Азизлар, ҳавотир олманглар! Мен ҳали бўйдоқман. Келин-куёв либосидаги сурат эса «Шунқор» қўшиғимга олинган клипдан бир лавҳа эди, холос. Ҳали уйланиш ниятим ҳам йўқ. Чунки кў-ўп ижод қилишим керак! (Отабек бу гапларни «бир кун келиб бирон қизга совчи юборсам, сиз уйланган эдингиз-ку», деб уни хуноб қилмасликлари учун ҳам айтди, Д. Р.)
- Демак, уйланганлигингиз ҳақидаги хабар…
- Мен учун антиреклама бўлди! Кимдир бу ҳақда эшитиб, «Отабек уйланибди-да» деган ишонч билан қолиб кетиши мумкин ахир. Айниқса мухлисаларим…
- Мени ҳайратга солаяпсиз! Санъаткорнинг оила қуриши, яъни ўз бахтини топиши унинг ижодига салбий таъсир кўрсатиши мумкинми? Санъаткор ҳам инсон, унинг ҳам бахтли бўлишга ҳаққи бор. Ёки мухлисаларингизни ранжитиб қўйишдан қўрқиб, бир умр бўйдоқ ўтиш ниятингиз борми?
Менимча, санъаткор уйлангандан кейин яхши ижод қилишда давом этса, мухлисларининг қалбини черта оладиган қўшиқлар яратса, у сиз айтмоқчи бўлгандек ўз рейтингини йўқотмайди. Қолаверса, эндиликда агар ростдан уйланган тақдирингизда, мухлисларингизни бу хабар кўпам ажаблантирмайди…
 - Фикрингиз тўғри. Дўстларим ҳам «яхши бўлибди, мухлисларни мана шундай тайёрлаб боравериш керак. Эрта-индин уйланганингда ҳам ҳеч ким билолмай қолади», деди. Лекин… Мен ҳали уйланганим йўқ-ку. Уйланган тақдиримда ҳам яширмаган бўлардим. Чунки ҳақиқатан ҳам халқ сизнинг қўшиғингизни севиши керак. Уйланган-уйланмаганингиз ўз йўлига. 
- 25 май, битирувчилар кунида бўлиб ўтадиган концерт дастурингизга тайёргарлик ишлари қандай кетаяпти? Ўтган галл суҳбатлашганимда, «Саҳнада сунъий музда конки учиб, қўшиқ куйлайман, айнан шу учун ҳозирда машғулотларга қатнаяпман» дегандингиз. Бу ҳақда шоу-янгиликларимизда ҳам айтиб ўтганмиз. Режангизни амалга ошириш ниятидан қайтмадингизми?
(Суҳбатга Отабек Муталхўжаевнинг продюсери Феруза Нодирова қўшилдилар)
- Йўқ, бу режамизни амалга оширмайдиган бўлдик. Тўғри, бу ҳақда анча илгари овоза қилгандик, аммо биз ўйлаган ғояни бошқа хонанда ўз концертида амалга оширишга улгурди, шу боис фикримиздан қайтишга мажбур бўлдик. Ҳозир бошқа янгилик устида ишлаяпмиз. Бундан буёғига хушёр бўлиб, концертгача амалга оширадиган режаларимизни сир сақлашга қарор қилдик.
Отабек Муталхўжаев:
- Концертда эски хит қўшиқлар билан бирга миллий ва Европа йўналишида куйланадиган янги тароналаримиз ҳам янграйди. Концертга ташриф буюрган мухлисларим мени тамомила бошқача имижда кўрадилар, саҳна безаги ва рақслар ҳам ўзгача бўлади. 
- Нега айнан бир кун, икки кун концерт беришга ҳам қурбингиз етади, менимча?
- Бизга шу бир кун керак, холос. Икки, уч, ўн кунлаб концерт дастурларини Худо хоҳласа кейинги йил қўяверамиз. 
- Битирув кечаси куни концерт бераяпсиз. Ўзингизнинг битирув оқшомингиз қандай кечган?
- Битирув кечаси менимча ҳар бир инсоннинг ёдида бир умрга муҳрланиб қолса керак. Чунки мактабни тамомлаган ўсмир мустақил ҳаёт деб аталмиш улкан ва масъулиятли босқичга қадам қўяди. Болалик ортда қолганини, ниманидир йўқотганингизни ҳис қиласиз... Битирув оқшоми куни барча синфдошлар билан Туркистон саройининг ёзги биносида бўлиб ўтган «Гала концерт»га борганмиз. Концертдан қандай таассурот олганимни тасаввур ҳам қилолмайсиз. Чунки ўқувчилик давримдаёқ саҳна, қўшиқ куйлаш деса, ўзимни томдан ташлашга тайёр эдим.
- Мана, ўйлаган ниятларингиз амалга ошди. Йиллар ўтиб, ўзингиз концерт қўйяпсиз.
- Ҳа, қалбларини ҳаяжон чулғаб олган ёшларимиз билан ўша оқшомни бирга ўтказмоқчиман.
- Ҳеч бўлмаса концерт дастурини қандай қўшиқ билан якунлашингизни айтиб ўтинг?
- (кулади) Ҳамма сирларимизни бир-бир ошкор қилишга мажбур қилаяпсиз! Концерт дастури «Ўзбекистоним» деган қўшиқ билан якунланади. Бу қўшиқни яқинда ёзиб тугатдик. Ёшлар мадҳиясига айланадиган бир тарона бўлади, деган умидимиз ҳам йўқ эмас.
- Иш бор жойда камчиликлар бўлади дегандек, қўшиқ яратганингиздан кейин йўл қўйган хатоларингизни пайқаб қолиб, шу таронани қайтадан куйлаш ниятингиз бўлмаганми?
- Биласизми, биронта қўшиқ ёзиб тугатсак, у эфирда кета бошлаганидан кейин ҳам уни қайта-қайта эшитавераман. Қаерда хатога йўл қўйганимни билиш учун. Битта қўшиғимни сиз айтгандай бошқатдан ёзиш ниятим бўлган. Лекин айнан қайсилигини сўраманг. Айтолмайман, чунки бастакорни хафа қилиб қўйишим мумкин.
- Қайтадан ёздингизми ўша қўшиқни?
- Ўйлаб кўриб, ортга қайтишнинг кераги йўқ, ўша ҳолича ҳам мухлисларга манзур бўлган экан, нима қиламан ниманидир ўзгартириб, деган қарорга келганман. 
- Балки ҳали ҳам кечмасдир? Чунки қайта куйланиб, янада оммалашиб кетган тароналар қанча? Биргина мисол тариқасида «Еттинчи ўғил» таронасини келтиришим мумкин.
- Бу ҳақда ўйлаб кўрамиз. Ҳозир «Хазон» қўшиғимизни бошқатдан ёзаяпмиз. Сифатини янада яхшилаш мақсадида.
 - Концертда европача стилда куйланадиган қўшиқларимиз ҳам янграйди, дедингиз. Масалан қандай услубда куйлайсиз?
- Регитон услубида.
- Регитон?.. Шу услубда қайси хонанда куйлашини айтсангиз, у кенгроқ тушунча ҳосил бўларди?
- (узоқ ўйланиб) «50 Cent»ни мисол келтириш мумкин...
- Концертда дуэт куйлайман, дегандингиз?
- Куйлайман. Дуэтдошим ё Нилуфар Усмонова ёки Манзура бўлиши кутилмоқда.
- Мухлислардан олган энг эсда қоларли совға нима бўлганини айтоласизми?
- Мухлисларим менга жуда кўп совғалар беришган. Юз метрлик мактублардан тортиб, усти ёниб-ўчадиган ёстиқчаларгача… Лекин энг антиқасини Сурхондарёга гастрол сафари билан борганимда олганман. У ерда менга зотдор итнинг боласини ҳадя этишганди. Ҳозир у катта кучукка айланган.
- Қайси гастрол сафарингиз энг унутилмас бўлган?
- Самарқанд вилоятидаги. Челак туманига концерт қўйишга борганмиз. Шўх бир таронани ижро этаётиб, созандалар билан бирга сакрашимиз керак бўлиб қолди, зал саҳнаси сал эскироқ экан, биринчи сакрашимиздаёқ тиззамизгача кириб кетсак бўладими. Ҳозир гуррос кулги кўтарилса керак, деб юрагимни ҳовучлаб турсам, ишонасизми, ҳеч ким кулмади. Аксинча, мухлислар ҳатто пинагини ҳам бузишмади. Залнинг тўридан кимдир «Шунақаси ҳам бўп туради, ҳеч қиси йўқ, давом этаверинглар» деб бақиргандан кейин ўзимизга келиб, давом эттирганмиз.
- «Алвидо» дейишнинг энг яхши усули?
- Мен ҳеч қачон ҳеч кимга «алвидо» демайман, «хайр» дейман. Чунки барибир бир кун кўришиб қолишимизни биламан.

Муталхўжаевлар авлодининг муносиб давомчиси
- Бувам раҳматли Файзулла Муталхўжаев «Ҳаваскор» театри актёри бўлганлар, «Тоҳир ва Зуҳра» спектаклида Тоҳир ролини ўйнаганлар… Уларнинг руҳлари шод бўлсин, фамилиялари жаранглаб турсин деб, санъат оламига Отабек Муталхўжаев бўлиб кириб келдим… Ёшлигимдан бувамга ўхшашни орзу қилганман. Ҳеч эсимдан чиқмайдигани, бир куни уйимизга жуда кўп меҳмонлар келиб қолди. Озми-кўпми ўтиришгач, бувамни қўярда-қўймай қўшиқ айттирдилар. Ўша пайтларда қўлга ликопча ушлаб ашула айтиш «мода» эди. Бувам қўлларига ликопчани олиб, хониш қилишни бошлашлари билан меҳмонлар рақсга тушиб кетди. Ашула ниҳоясига етганда ҳамма уларга пул қистириб кетди. Кичкина эмасманми, пулга қизиқиб кетиб, иккинчи ашула айтилаётган вақти, мен ҳам қўлимга каттароқ лаганни олиб, бувамларга жўр бўлдим. Лекин овозим яхши чиқмагани учунми менга ҳеч ким пул қистирмаган…

 

Ma'lumot www.7x7.uz saytidan olingan. 
 

Izohlar 

 
+1 #7 Feruza 2011-10-04 13:23 Otabek Mutalxojaev eng zor xonanda Fikr bildirish
 
 
0 #6 Lola 2011-02-22 18:42 Biri quyosh biri oydir qo'shig'izga gap yo'. Удачи Fikr bildirish
 
 
0 #5 sarvinoz 2010-12-21 16:35 Salom!Otabek oka man sizni ashaddiy muhlisingizman! sizga omad! Fikr bildirish
 
 
0 #4 kozimbek 2010-01-24 14:17 qizlarga +998697002526 Fikr bildirish
 
 
0 #3 kozimbek 2010-01-24 14:12 zo'r Fikr bildirish
 
 
0 #2 Leyla 2009-10-07 02:25 Ha konsert juda ham yaxshi o't. Sanatizi biz muhlislariz juda hurmat qil*****. Ijodizga omad. Ashaddiy muhlisangiz Leyla Fikr bildirish
 
 
0 #1 Shaxzodaxon 2009-07-20 03:30 Sizga ulkan omadla tiliman Kansertiz zo'r bo'ldi Nilufar usmonova bilan MAYLI MAYLI duetini zo'r etdila Manga yoqdi Eng ashaddiy muxlisez Shaxzodaxon.. IJODIZDA OMADLA !!! Fikr bildirish
 

Izoh qoldirish

Защитный код
Обновить

So'rovnoma

Sizga sayt yoqdimi?
 

Fotogalereya

Yulduz haqida ma'lumot

Nilufar Usmonova haqida

1. To'liq ism–sharifi Xakimova Nilufar Ibragimhanovna 
2. Laqabi yoki tahallusi Kukusha, Lu, Ninyu 
3. Tug'ilgan joyi va vaqti Toshkent shahri, 6 aprel 1987 yil soat 14:00da 
4. Vazni 53 kg 
5. Bo'yi 163 sm 
6. Millati O'zbek
Batafsil...

Hamkorlar va Do'stlar

ALIAS-PHARMA
Баннер
SHOU-BIZNES OLAMI
Баннер
www.ShouBiznes.uz
WWW.DVSTUDIO.TV
Баннер

Eng mashhur Intervyular!

Yulduz haqida ma'lumot

Shoxrux haqida

1.   Ismi sharifi: Shodmonov Shoxrux O`ktamovich; 
2.   Tug`ilgan kuni: 1986 yil, 31 yanvar; 
3.   Tug`ilgan joyi: Toshkent shahri; 
4.   Burji: Dalv; 
5.   Kasbi: hozircha xonanda va talaba;
Batafsil...

Fotogalereya

So'rovnoma

Ayol yulduzlar reytingi
 

Yulduz haqida ma'lumot

Oybek va Nigora haqida

Oybek

Tug’ilgan joyingiz?
Toshkent shahrida tavallud topganman.
Oila a’zolaringiz?
Otam- Bahodir Alimov, onam Nodira Alimova. Oilada ikki farzandmiz. Bir akam bor.
Oilaviy holatingiz?
Batafsil...

Fotogalereya

Yulduz haqida ma'lumot

Rayhon haqida

1. Ismi-sharifi: Rayhon G`aniyeva;
2. Tug`ilgan yili: 16.09.1978 yil;
3. Oilasi: Onasi, singlisi va o`zi;
4. Onasi: Tamara Shokirova (aktrisa);
5. Otasi: Otabek G`aniyev (aktyor bo`lgan);
6. Singlisi: Nasiba, dizayner bo`lmoqchi;
Batafsil...